’n Vrouedag-geleentheid is verlede Woensdagoggend by die Tygerberg Meals on Wheels Community Services in Weimarstraat in Parow gehou.
Dié geleentheid was in die vorm van ’n middagtee ten bate van die organisasie, sê Cheryl Visser, Wyk 1-raadslid.
“Die gasspreker, Happiness Madzana, het gepraat oor die vrou en haar algehele gesondheid, insluitend fisieke en geestelike welstand,” sê Visser.
Anne-Marie Watt, bestuurder van die organisasie, sê die vroue het elkeen as individu ’n donasie gegee.
“Tygerberg Meals on Wheels is ongelooflik dankbaar vir diegene wat hul harte vir die minderbevoorregte senior burgers oopmaak, en ons in staat stel om selfs meer gesinne en individue in nood te bereik wat vreugde en hoop deur gemeenskappe versprei. Ons is so geïnspireer deur hul deernis en toewyding om ’n sterker Suid-Afrika te bou,” sê Watt.
Vrouedag is op Vrydag 9 Augustus landwyd gevier.
