Die sekerheidskantoor en die hoofingang van die Kaapse Skiereilandse Universiteit van Tegnologie (KSUT) in Bellville is omstreeks middernag op Dinsdag deur betogers in ligte laaie gelê.
‘n Gebou by die Kaapstad-kampus het ook deurgeloop onder die brandstigters. Dit volg ná ‘n aand van geweld met een persoon wat in hegtenis geneem is.
Lauren Kansley, ‘n woordvoerder vir KSUT, het bevestig dat ten minste twee voertuie ook in die geweld beskadig is.
“Klagte van poging tot moord is gelê nadat betogers twee sekerheidswagte binne ‘n brandende gebou toegesluit het. Die wagte het rookinaseming opgedoen en hul toestand is tans stabiel,” het Kansley gesê.
Sy het bygevoeg dat die jongste voorvalle volg op ‘n middag van lopende gevegte tussen betogers en die polisie en sekerheidswagte, met ten minste 19 mense wat in hegtenis geneem is op die Bellville-, Kaapstad- en Mowbray-kampusse.
Ander klagte wat aangemeld is, sluit in openbare geweld en opsetlike saakbeskadiging.
Intussen is klasse opgeskort weens die voortdurende geweld en daar word na alternatiewe assesseringsmetodes vir die student gekyk, het Kansley gesê.
Dít sluit onder meer in om aanlyn-alternatiewe te gebruik, as ook lokale weg van die kampusse.
