Meer as 100 lede van Tafelsig-gebaseerde seniorklubs het Donderdag 22 Augustus by ’n Vrouemaandviering in die Tafelsig-gemeenskapsaal in Kilimanjarostraat aangesluit.
Die geleentheid is bygewoon deur seniors van Mission with a Vision, die Kilimanjaro Seniorklub, Creative Caring Seniors, Happy Chappies Seniors en Searidge Seniorklub.
Dit was een van die seldsame geleenthede waar alle klubs in Wyk 82 bymekaar gekom het om tyd saam te spandeer.
Die geleentheid is aangebied deur die plaaslike organisasie Broken Crayons Still Color en ondersteun deur die Mitchells Plain Network Opposing Abuse.
Die vroue van die Mitchells Plain Network Opposing Abuse het ’n gesinsgeweldprogram aangebied, wat ’n toneelstuk, sang, dans en ’n praatjie ingesluit het.
