Die gewilde Tekkie Challenge-wedlope ten bate van die Jan Krielskool in Kuilsrivier het Saterdag in perfekte koel lenteweer plaasgevind.
Ds. André van Wyk, besturende direkteur van die Jan Kriel-instituut, sê die geleentheid was ’n groot sukses.
“Leerders van die Jan Krielskool is vanjaar weer eens met liefde en entoesiasme ondersteun. Amper 2 000 deelnemers het ingeskryf.”
Die 10 miler (16 km) was vanjaar ’n nuwe toevoeging. In die “Battle of the Sexes”-wedloop oor 10 km het Fortunate Chidzivo vir die vroue geseëvier.
Pretdrawwers kon met helder kleure aan die “Run in colour”-wedloop oor 5 km deelneem.
Food Lover’s Market, die hoofborg, het gesorg vir geskenkbewyse, kontantpryse en pakkies vir die beste hardlopers, asook verskeie pryse vir die gelukstrekking.
Besoek TygerBurger se Facebookblad vir nog foto’s.
