’n Brand het op Vrydag 1 Desember by die China Town-winkel in Voortrekkerweg in Parow uitgebreek.
Die voorval is deur die Stad Kaapstad se brand- en reddingsdienste bevestig.
Jermaine Carelse, woordvoerder, sê die voorval is om 11:00 by hulle aangemeld.
Brandweerspanne van Bellville, Goodwood en Milnerton is uit na die toneel. “Brandweerpersoneel het daarin geslaag om die brand kort ná 12:00 te blus. Verskeie soorte tekstiel het gebrand,” sê Carelse.
Niemand is in die voorval beseer nie, en die gebied is geventileer voordat die spanne die toneel verlaat het,” sê hy.
